Lifted na an ipinaotob na ban kan Department of Agriculture sa importasyon kan domestic, wild birds, asin poultry products hali sa mga California asin South Dakota.
Sinabi ni Agriculture Secretary Francisco Tiu Laurel Jr. na sa paagi kan pinirmahan na Memorandum Order No. 37, tutugutan na an importasyon kan mga poultry products siring kan karne, bunay, asin sisiw sa nasabing mga estado.
Hinali na an ban sa importasyon makalihis na dae na makapag report nin panibagong outbreak kan avian influenza sa nakalihis na mga bulan.
Marurumduman na enot na ipinaotob an nasabing ban sa California kan Enero mantang an sa South Dakota an nagpuon kan Nobyembre kan nakalihis na taon.
