LEGAZPI CITY-Nanotaran kan Philippine Institute of Volcanology and Seismology (Phivolcs) an nagkapirang pagkakaparehas kan duwang pinagbabantayang aktibong bulkan sa ngonian.
Parehas na nasa irarom kan alert level 2 ang Bulkang Mayon asin Kanlaon.
Susog sa pahayag ni Mayon Volcano resident volcanologist Dr. Paul Alanis, parehong naghuhubag an palibot kan duwang bulkan na senyales kan pagsakat kan magma hale sa irarom kaini.
Pareho man suboot na nagkakaigwa nin mga panaka-nakang volcanic earthquakes an duwang nabanggit na bulkan kun sain padagos an aktibidad na ipinapahiling kaini.
Sa tahaw kaini, nagkakaiba man an eruption characteristics kaini kun sain pirmihang nahihiling an pagluwas nin abo sa Mt. Kanlaon mantang an Mayon naman an nagluluwas nin lava, siring kan mga nangyari kan nakalihis na taon.
