LEGAZPI CITY-Pigagamit na sa ngonian kan mga sundalo an online platform ngani maipaabot an saindang mga naratibo sa publiko.
Segun kay 9th Infantry Division Philippine Army Spokesperson, Major Frank Roldan sa intrevista kan Bombo Radyo Legazpi na ini na an panahon ngani gamiton an plataporma ngani maipaabot an saindang mga narratives sa mga kababayan.
Sa panahon kaya suboot ngonian nasa 80% na kan mga Pilipino an naggagamit kaini sa 120 milyon na populasyon.
Obheto suboot ninda na ma-impromote an saindang organisasyon asin mabasag an stereotypes sa mga kasundaluhan.
Siring kan taong 1980’s na kun sain nagigin unprofessional an mga sundalo na harayo na sa panahon ngonian.
Dagdag pa kan opisyal na ipinapahiling ninda an disiplina asin kahandaan kan mga sundalo na ipagtanggol an mga kababayan.
Afuera digdi, ibinabarewas man ninda an mga produktong bikolano asin mga motivational advice bako sana para sa mga sundalo kundi magin sa publiko.
