Kinumpirmar kan Southern Police District (SPD) na nagpositibo sa gunpowder residue an sarong volunteer kan National Bureau of Investigation (NBI) na inarestar katakod kan nangyaring pambabadil sa laog kan Senado.
Segun ki SPD Public Information Office chief Police Lt. Margaret Panaga, positibo sa presensta kan gunpowder an suspek na binisto sa alyas na “Mel Oragon.”
Inarestar an suspek makalihis an insidente asin ipigsairarom sa inquest proceedings huli sa mga kasong pagbayolar sa Republic Act 10591 o Comprehensive Firearms and Ammunition Regulation Act, alarm and scandal, direct assault, trespass to property, asin pagbayolar sa security protocols kan Senado.
Marurumduman na nangyari an insidente kan Miyerkules nin banggi sa laog kan ika-duwang palapag kan Senado mantang naga iral an lockdown.
Basado sa inisyal na imbestigasyon na sarong dae pa maarama na kalibre nin badil an ginamit suboot kan suspek sa pagpapaputok nin nagkapirang beses sa Senate compound sa GSIS area.
Huli digdi, napatos nin tensyon an laog kan establishimento.
