LEGAZPI CITY-Boluntaryong nagsuko an dating miyembro kan Communist Terrorist Group (CTG) sa Matnog, Sorsogon, susog sa Matnog Municipal Police Station.
Segun ki Matnog MPS Chief of Police Police Major Wilfred Lloyd Berdin sa intrevista kan Bombo Radyo Legazpi na kusang nagsuko asin nagbaba sa pagigin rebelde an 96-anyos asin dating squad leader kan grupo.
Dagdag pa kan otoridad na poon pa 1999 ini sa grupo alagad dai na nakayanan an paghihirap kun kaya nagsuko ini.
Tatawan man nin mga programa, cash assistance, asin i-enroll an nagsukong indibidwal sa Enhanced Comprehensive Local Integration Program o E-CLIP.
Sa presente, padagos na pighihikayat kan pulisya na magbalik-loob an mga ini, mantang kadikit na sana suboot an mga siring kaining aktibidad sa saindang lugar.
Padagos man an saindang koordinasyon sa mga barangay officials sa saindang kampanya katuwang an Philippine Army, asin iba pang law enforcement agency ngani maghatod nin mga impormasyon asin tabang hale sa gobierno, para sa peace and order sa mga komunidad.
