Nagkundusir nin hiwalay na imbestigasyon ang Commission on Human Rights (CHR) katakod kan engkuwentro sa pagultangan kan Philippine Army asin New People’s Army sa Negros Occidental kan Abril 19 na ikinagadan kan 19 katawo.
Susog sa Commission on Human Rights may “inconsistencies” sa pagkakakilanlan kan mga nagadan. Ipigdoon kan militar na pawang mga rebelde ang mga ini, mantang pigsasabi man kan pirang organisasyon na may mga sibilyan sa hanay kan mga biktima.
Kabale sa mga nagadan si Alyssa Alano, community journalist na si RJ Nichole Ledesma, asin Filipino-American activists na sina Lyle Prijoles asin Kai Sorem.
Binisto man kan NPA an pagkagadan kan saro nindang lider asin pirang kaiba alagad pigdoon na may mga sibilyan ma na nagadan sa insidente.
Tinawan-doon kan CHR na kinakaipuhan an mahigot na beripikasyon sa magkasalungat na pahayag, asin sa irarom kan International Humanitarian Law, dae pwedesir basta-basta targeton an mga inosenteng tao o mga lugar na pangkaraniwan sana.
Inireport man an ginatos na mga residente an naapektaran kan bakbakan. Segun sa Kilusang Magbubukid ng Pilipinas at Tanggol Magsasaka, labi 650 katawo hale sa 168 pamilya ang nag-ebakwar sa Barangay Salamanca asin Barangay San Jose sa Toboso.
Sinabi man kan militar na coordinate an mag pag-ebakwar sa lokal na gobierno.
Nangapudan man an CHR nin sarong patas asin independent na imbestigasyon, pati na man an kooperasyon gikan sa gabos na lado.
