LEGAZPI CITY-Kumpiyansa an grupong Karapatan Bicol na madali nang makuwa an hustisya sa pagpapadagos kan kaso ni Dating Presidente Duterte sa aktwal na paglilitis sa International Criminal Court (ICC).
Segun kay Karapatan Bicol Nida Barcenas, sa intrevista kan Bombo Radyo Legazpi na magpapadagos an paglilitis asin “relatively independent” an ICC kun kaya digdi nagrarani an mga biktima drug war.
Dagdag pa ni Barcenas na may tsansa na makuwa an hustisya sa ICC kaysa sa Pilipinas, mantang kadakol na pigsasagibo an kampo ni Duterte ngani ma-delay an kaso sa paagi kan magsangat nin mga mosyon.
Nanindugan man siya na magpapadagos ini huli ta kadakol na mga ebidensya laban sa dating Presidente, kun sain nangyayari na an saiyang mga sinabi, na hahampangon niya ini asin mabubulok siya sa kulungan.
Piglalaoman man kan grupo na makahampang sa personal na paglilitis an dating Presidente, siring man si Vice President Sara Duterte sa saiyang impeachment case.
Mientras tanto, sa maabot na Martes, Abril 28, 2026, magsasagibo an grupo nin follow up asin makikipag-olay sa Commission on Human Rights sa Legazpi mapadapit sa kadakol an mga complaint hale sa mga lider asin kasapi na nabibiktima, arog kan red tagging, pananakot, asin pag-kampo kan mga militar sa mga barangay sa rehiyon.
