LEGAZPI CITY- Ipighayag kan sarong propesor na an manlain lain na mga klase nin komunikasyon na pigigibo kan mga estudyante sa University of the Philippines dapit sa pagkagadan kan estudyante na si Alyssa Alano an nagpapatunay na nasa puso asin diwa kan dakol na mga estudyante an unibersidad an aktibismo.
Marurumduman na saro si Alano na mga binawian nin buhay sa madugong engkwento sa Negros Occidental.
Enot na sinabi kan Fuersa Armadas kan Pilipinas na armado suboot an nasabing student activist, bagay na kinontra kan dakol na mga grupo asin nanindugan na nasa lugar an nasabing estudyante para sa sarong research.
Segun ki Professor Danilo Arao, Journalism Professor sa UP Diliman – College of Media and Communication, sa intrevista kan Bombo Radyo Legazpi na mahihiling ngunyan an pangangaipo sa makatotoohan na pagbabalita.
Aminado man ini na malinaw na nagkaigwa nin paggamit nin excessive force sa nasabing operasyon kan militar.
Ipinangapudan kaini an tamang pagbabalita sa paninimbagan kan mga ahensya de gobierno na dapat na enot na nagpo-protehir sa diretsos kan mga namamanwaan.
Tinuyaw man ni Arao an suboot mga pineke na ladawan kan nasabing engkwentro na nagpapahiling na may nangyayaring pag-utik.
Mientras tanto, ipinagirumdom man kaini na basado sa international human rights law, dapat na maging makatawo man liwat magin sa mga kumpirmadong rebelde.
