Nabigla an mga fans, followers, asin netizens makalihis ibuyagyag kan aktres na si Kaye Abad na matrayumpo niyang nalabanan an breast cancer.
Dae kaya nagtao nin anuman na pahiwatig kaito sa Kaye dapit sa seryosong kondisyon na pinag-agihan niya puon pa kan 2025.
Kan Pebrero 2026, ipigheras sana kan aktres na tinamaan siya nin viral infection na “Herpangina,” alagad dae naunambitan an dapit sa cancer diagnosis.
Sa saiyang birthday vlog na ipinaluwas kan Mayo 17, inihayag ni Kaye an haros sarong taon na dokumentasyon kan saiyang kaniyang breast cancer journey, kaibanan an pagpapabulong niya sa Singapore kaibanan an mister na si Paul Jake Castillo.
Segun sa aktres na nagpuon an gabos kan maka eksperyensya siya nin matinding pangungulog na enot niyang pigpensar na acidity sana.
Huli ta nagdurar ini nin haros anom na oras, nagdesisyon siyang magpahiling sa doktor.
Sa ipigkondusir na check-up, nadiskubre na igwa siyang gallstones kaya nagsairarom sa operasyon.
Kasunod kaini, ipigsuhestyon kan doktor na magsairarom siya sa mammogram kun sain nadiskubre na igwa siyang malignant o cancerous tumor sa daghan na uminabot sa apat na sentimo an kadakulaan.
Aminado man an aktres na igwa na nin history nin breast cancer an saiyang pamilya kaya dae na suboot nakakabigla an diagnosis saiya.
Maugma man na inanunsyar kan aktres na maikokunsiderar na niyang cancer-free an sadiri makalihis an pagpapabulong.
