LEGAZPI CITY- Mahigot na pigtututukan ngunyan an pag-convene kan Senado biang impeachment court sa impeachment ni Vice President Sara Duterte.
Segun ki Prof. Edward Tayao, Professorial Lecturer sa San Beda University Graduate School of Law sa intrevista kan Bombo Radyo Legazpi na aram man kan kadaklan na pinirit ribayan an liderato kan Halangkaw na Kapulungan ngani na mabago an dalagan kan impeachmet.
Paliwanag kan nasabing propesor na ngani na dagos na mapatalsik an bise presidente, kinakaipuhan an nasa 16 na boto kan mga senator judges.
Alagad sa pesente, bastante suboot an 12 numero kan senate majority ngani na mapawarang sala si Vice President Sara.
Bako na kumpleto ngunyan an 13 na sendor sa mayorya huli ta pinaglalaoman na dae na liwat magpapahiling si Senator Ronald Dela Rosa.
Mientras tanto, sinabi ni Tayao na may diretsos suboot an ibang miyembro kan Senado na mag-kwestyon kun kaya pa na mamantenir an Senate majority ngunyan na wara na si Dela Rosa.
