LEGAZPI CITY – Nagtetenir na magayon an performance kan mga atleta kan rehiyon Bicol sa nagpapadagos na Palarong Pambansa 2025.
Segun ki Department of Education Legazpi City Division Sports Officer Dexter Sison sa intrevista kan Bombo Radyo Legazpi na igwa nang tulong atleta an nakakuwa nin bulawang medalya sa manlain-laing sporting events.
Dae ninda piglaoman na madakol an numero kan saindang nakukuwang medalya huli ta kadaklan suboot sa mga pambatong atleta ngonian kan rehiyon an mga panibagong batch.
Sa obserbasyon niya man na nag-aasenso na ang mga pambato kan rehiyon sa team sports huli ta pigdadaog na kan mga ini an mga powerhouse regions partikular na sa basketball asin volleyball events.
Sa presente, mawot kan opisyal na madugangan pa an mga medalyang nakukuwa kan rehiyon sagkod matapos an nasabing pakawat.
Pagsyerto man ni Sison na nasa maray na kamugtakan an mga salud kan pambato kan rehiyon sa ibong kan halangkaw an temperatura na naeeksperyensyahan sa Laoag, Ilocos Norte.
