LEGAZPI CITY — Matoninong an ipigsagibong ‘Peace Ride and Rally for Change’ kan Diocese of Legazpi sa probinsya kan Albay.
Segun kay Albay Police Provincial Office Provincial Director Police Colonel Noel Nuñez, sa intrevista kan Bombo Radyo Legazpi na daeng naging pagbalgar asin sa kapulisan an ipigsagibong rally kan Diocese of Legazpi nin huli sa nagin “very professional” an mga partisipantes kaini.
Dagdag pa ni Nuñez na daeng nairehistrong insidente, traffic, asin nagin normal an rally na pig-atendiran nin haros 1,200 na katawong hale sa manlain-lain na parokya asin organisasyon sa probinsya.
Naunambitan man kan opisyal na preparado suboot an Albay PPO na mag-asistir sa pagmantinir nin peace and order sa mga posible pang mga masunod na rally.
Padagos man suboot an saindang patanid na iasigurar an proteksyon kan sadiri kan mga mawot pang magpartisipar orog pa suboot na an aktibidad siring kan rally an para man sa ipigkukurahaw na adbokasiya asin sa pagbabalangibog kan saindang direchos.
