Pigpapabantayan ni Presidente Ferdinand Marcos Jr. an price gouging o pagpapatong nin presyo sa mga produkto asin serbisyo sa nacion, ini kun saen pighayag kan opisyal na warang rason nganing gibohon ini.
Ini sa tahaw kan suboot paghibaba na kan presyo nin krudo sa world market.
Segun sa Presidente na basado sa sitwasyon ngunyan sa Middle East, wara sindang nahihiling na dakulang epekto kaini sa ekonomiya kan nacion.
Dugang pa ni PBBM kun igwa man ining epekto urog na kun naglalangkaw an presyo kan krudo, sinabi kaining kaya pang mamanehar an sitwasyon.
Sinabi pa kaini na huli sa naenot nang deklarasyon nin ceasefire, nagbaba an presyo kan krudo sa world market, na nairehistro na sana sa 69 dollars per barrel kan nakaaging aldaw.
