LEGAZPI CITY-Isinangat ngonian na aldaw ni dating Sen. Antonio Trillanes IV asin nagkapirang miembro kan civil society organization na The Silent Majority sa Office of the Ombudsman an panibagong reklamong ‘plunder asin graft’ laban kay Vice President Sara Duterte.
Segun kay Jocelyn Marie Acosta, an ‘plunder asin graft’ na kaso an isinangat ngonian na aldaw na may kinaaraman sa inisyal na kaso kan Disyembre 2025 mapadapit sa isyu kan confidential funds.
Nagtutubod man sinda an kadakol suboot na pigbayolar na ley si Vice President Sara Duterte kun kaya dai ninda ini papalagpason asin maghahagad nin paninimbagan.
Kabale sa isinangat na mga kaso an Plunder asin Malversation complaints para sa pigsasabing maanomalyang 650 million pesos na Confidential Funds sa Office of the Vice President asin sa Department of Education.
Reklamong Plunder asin Malversation naman para sa pigkakarkulong 2.7 billion pesos na suboot anomalya kan Confidential Funds sa ciudad kan Davao kan alkalde pa si Vice President Sara.
Afuera digdi, ipigsangat man an iba pang patung-patong na mga reklamo laban sa nasabing opisyal may kinaaraman sa suboot maling paggamit kan pondo kan nacion.
