LEGAZPI CITY-Tinawan doon kan Malakanyang na apektado an taumbayan asin an ekonomiya sa nangyayaring kariribukan sa Senado.
Segun kay Palace Press Officer Claire Castro na partikular na igwang epekto an mga pangyayari sa Senado sa pagpasar kan mga prayoridad na propwestong ley.
Marurumduman na dai man nagkaigwa nin sesyon an Senado makalihis na maarestar si Sen. Jinggoy Estrada asin dai man nagpapahiling sa publiko si Sen. Ronald Bato Dela Rosa.
Igwang man na duwang aldaw nago an sine die adjournment kan first regular session kan 20th Congress.
Pagkatapos kaini, sa Hulyo liwat na magbubukas an sesyon kan mga mambabatas kasabay kan SONA kan Presidente.
Magigirumduman man na igwang labi sa 20 priority bills na inaprubaran si President Marcos sa Legislative-Executive Development Advisory Council (LEDAC) meeting.
Kabale digdi, na an mga propwestong Anti-Political Dynasty Law, Independent People’s Commission Act, Travel Tax Abolition, asin Citizen Access and Disclosure of Expenditures for National Accountability (CADENA) Act.
