LEGAZPI CITY-Liwat na ibinalik na sa Philippine National Police General Hospital si dating Department of Public Works and Highways (DPWH) Secretary Manuel Bonoan.
Huli ini sa pagsangat niya nin mosyon para sa saiyang hospital arrest.
Pasado ala-1 nin hapon ngonian na aldaw nin Martes, Hunyo 2, iniluwas an dating kalihim ngani na magatendir sa saiyang arraignment sa kasong graft asin return of warrant sa kasong plunder sa Sandiganbayan.
Alagad ipinagpaliban an arraignment ninda Bonoan asin Senator Jinggoy Estrada sa Hunyo 4 huli ta igwang nakabinbin na mosyon sa P537- milyon na plunder asin graft charges na igwang koneksyon sa anomalya sa flood control projects.
Kinumpirma man kan Fifth Division kan Sandiganbayan na nagsangat nin mosyon para sa hospital arrest an dating DPWH Secretary.
Naresibe kan anti-graft court an mosyon ni Bonoan para sa hospital arrest, mga 24 oras makalihis ini darahon sa PNP General Hospital huli suboot sa paglangkaw kan saiyang blood pressure.
