LEGAZPI CITY—Igwa nin agam-agam an National Parent Teachers Association sa pagpa-implementar kan Department of Education nin trimester program sa basic education ngunyan na 2026-2027 sa pampublikong eskwelahan sa ibong na pigsusuportaran ninda an anumang pronouncement kan ahensya.
Segun ki NPTA Vice President Lito Sinieto, sa intrevista kan Bombo Radyo Legazpi, an nasabing lakdang an gari suboot pigmamadali an pag-implementar kaini huli sa warang toltol na koordinasyon sa mga paratukdo.
Ipigkahadit man kan grupo an mapadapit sa learning materials para sa mga estudyante asin paratukdo huli kan tulos na pag-implementar kan nasabing lakdang
Nagmamawot an NPTA na kun pwedesir dae na muna ini i-implementar sa ngunyan asin sa sunod na sanang taon; siring man an pagtaong-doon na ipreparar muna ini bago iimplementar nganing mahiling kun kakayanon ini kan mga paratukdo magin kan mga estudyante.
