LEGAZPI CITY – Ipigdoon kan Department of Economy, Planning, and Development (DEPDev) Bicol an importansya kan pagpapababa kan inflation sa Pilipinas kawsa kan presenteng krisis dara kan kariribukan sa Middle East.
Segun ki DEPDev Bicol Senior Economic Development Specialist Emmanuel Llaguno na importanteng mapababa an antas kan inflation urog nang nagkaigwa na nin duwang semanang tigil-putukan an Iran asin Estados Unidos siring man an mga pagbaba sa trading kan produktong petrolyo.
Alagad patanid niya man na pwedesir pang maghalangkaw an antas kan inflation kun magpapadagos pa an kariribukan na makakapag-trigger kan padagos na paghalangkaw sa presyo kan produktong petrolyo asin mga babarakalon.
Pagsyerto niya man na piggigibo kan gobierno an gabos nganing maibitaran o mabawasan an epekto kan iriwal sa mga produkto sa rehiyon kan Bicol.
Pigdugang man kan opisyal na may lakdang nang pigkokondusir an pirang ahensya kan gobierno nganing tabangan an mga apektadong sector asin naghahanap nin mapagkukuwaan nin enerhiya arug kan solar asin wind farm.
Punto ni Llaguno na kun may mapagkukuwaan na nin alternatibong energy sources an nacion, dae na ini maaapektaran kan padagos na kariribukan sa Gitnang Silangan.
 Bicol stressed the importance of reducing inflation in the Philippines due to the current crisis caused by the unrest in the Middle East.){kind=link}