LEGAZPI CITY – Dae na ikinangalas pa kan sarong political analyst an naging desisyon ni Bise Presidente Sara Duterte na maging miyembro kan oposisyon kontra sa administrasyon ni Presidente Ferdinand Marcos Jr.
Sa intrevista kan Bombo Radyo Legazpi sa political analyst na si Prof. Cleve Arguelles an Chief-executive-officer kan WR Numero Research, haloy naman na may mga problema an alyansa ninda Duterte asin Marcos huli sa mga isyung kinahampang kaini makalihis na makatukaw sa pwesto.
Kaiba na diyan an naging iwal kan Pamilya Duterte asin Marcos, magkakasuway na paninindugan sa isyung pampolitika asin ngunyan an magkakaiba naman na susuportaran na kandidato para sa paparaning eleksyon sa masunod na taon.
Pinakanakaraot suboot sa UniTeam an mga patutsyada asin pangapudan ninda dating President Rodrigo Duterte asin Mayor Baste Duterte na magbaba na sa pwesto si Presidente Marcos.
Ngunyan na naglilipat na sa oposisyon si Bise Presidente Sara, dapat suboot na abangan kan mga Pilipino kung ano na an magiging pagbabago sa mga pakikiiba ni Presidente Marcos sa dati kaining kaalyado lalo na an magiging epekto kaini sa masunod na eleksyon.
