Inaprubaran kan House Committee on Appropriations ang substitute bill na obhetong pakusogon an proteksiyon sa mga joven laban sa mga peligro sa internet asin social media.
Basado sa paenot na kopya kan propwesto, dae tutugutang maggamit nin mga social media platforms an mga joven na wara pang 13-anyos.
Para man sa mga edad 13 hasta wara pang 18-anyps, lilimitaran an paggamit sa pirang features siring kan livestreaming, warang katapusan na pag-scroll, short-form video feeds o “shorts,” asin dae kinakaipuhang pangongolekta o pagheheras nin personal na impormasyon, pagbakal online asin mga mekanismong kahalintulad kan pagsusugal.
Pwedesir man na ipasarado an account kan mga menor de edad kun bawion kan saindang mga magurang an pagtugot sa paggamit kaini.
Pag nagin ley, itatatag ang Office for Children’s Social Media and Digital Safety na masentro sa kaligtasan kan mag joven sa paggamit kan internet asin social media.
