LEGAZPI CITY—Dakulang tabang maski papano sa mga drivers an ipinaotob na bagong paglangkaw sa presyo nin pamasahe sa pampublikong transportasyon.
Segun ki Legazpi-Daraga Jeepney Operators and Drivers Association (LEGDAJODA) President Edison Briones, sa intrevista kan Bombo Radyo Legazpi, na halimbawa kun makalunad sinda nin 300 pasahero sa biyahe sa bilog na hapon, an P1 dugang na pamasahe an katumpad na man nin P300 na dugang sa saindang ganansya, siring man an makukuang dugang ganansya sa mga minasunod na kilometro.
Katakod kaini pangapudan man ni Briones sa mga drayber asin pasahero na magpasinarabot-sabot sa primerong semana kan pagpaotob kan bagong paglangkaw sa presyo nin pamasahe sa transportasyon.
Siring man an kahagadan kaini nin pagsabot sa mga pasahero urog na nagsasapar man suboot sinda nin labing pagtaas dara kan paglangkaw kan presyo nin krudo.
