Ikinahandal na kan UNAIDS an paghalangkaw kan HIV sa nacion kun saen sa saindang datos nagsakat na sa 543% puon pa 2010 an mga tinamaan nin virus sa nacion, pinakamarikas suboot na bagong HIV cases sa Asia-Pacific.
Maabot sa 139,000 na an nabubuhay na may HIV sa nacion, asin piglalaomang maabot pa ini sa 252,000 bago matapos an 2025, susog sa Department of Health (DOH).
Segun ki Health Secretary Teodoro Herbosa, haros 50% nin bagong kaso an gikan sa mga joven na may edad 15-24.
Kadaklan gikan sa same-sex relationships, unprotected sex, asin mga nabibisto sa dating apps.
Kakulangan sa sex education, pagkasupog asin relihiyosong stigma an pira sa mga pangenot na rason kan paghalangkaw nin kaso.
Kan Hunyo, inirekomenda kan DOH na ideklara na an HIV bilabng sarong national public health emergency nganing maparikas an simbag kan gobyerno na sagkod ngunyan wara pang simbag an Palasyo.
Mientrastanto segun sa mga eksperto kaipuhang pakusogon an sex education, gibohong accessible an condoms asin tangkason an stigma sa mga tawong may HIV.
