LEGAZPI CITY-Pigaabangan na kan kampo kan mga biktima kan madugong drug war kan nakalihis na administrasyon an pagpapaluwas kan International Criminal Court (ICC) Appeals Chamber sa desisyon kaini manungod sa apela kan kampo ni dating Presidente Rodrigo Duterte na pansamantalang pagkalaya.
Segun kay ICC Assistant to Counsel Kristina Conti, susubaybayan kan kampo kan mga biktima an proceeding, kasabay kan pangadyi na dai tutugutan kan ng korte an kamawotan kan kampo kan dating Presidente.
Paliwanag ni Conti, ini an enot na pagkakataon na mahihiling an kinatawan kan kampo kan mga biktima sa paagi kan Office of the Public Counsel for Victims.
Kairiba digdi an mga kinatawan kan defense panel asin prosecution.
Piglalaoman man na dai mahahale an nasabing proceeding na nakatalagang magpoon sa oras na alas 5:00 nin hapon, oras sa Pilipinas.
Dagdag pa ni Conti, posibleng maghaloy nin saro hasta duwang oras an proceeding kun sain babasahon an desisyon kan Appeals Chamber na pigbibilog kan limang judges.
Piglalaoman man kan mga pamilya kan mga biktima na dai tatawanan nin tsansa an kamawotan kan dating presidente asin magtenir pa ini na nakadetene sa laog kan Detention Facility kan international tribunal.
