Ikinaugma kan Office of the Prosecutor (OTP) kan International Criminal Court (ICC) an pagluwas kan arrest warrant kontra ki Senador Ronald “Bato” dela Rosa, na opisyal ng ipigkokunsiderar bilang suspek sa nagpapadagos na crimes against humanity case sa ICC.
Sa sarong pahayag, sinabi kan Office of the Prosecutor (OTP) na sarong importanteng lakdang an nasabing warrant kontra ki Dela Rosa sa nagpapadagos na paglamag sa paninimbagan sa suboot nagibong krimen sa irarom kan war on drugs campaign sa Pilipinas.
Ipagpapadagos man kan ahensya an pakikipag koordinar sa Registry asin sa gabos na konektado na stakeholders para mapadali an pagseserbi kan warrant.
Segun sa Prosecutor, an sekretong arrest warrant an inisyu kan Nobyembre 6, 2025, tulong aldaw makalihis isunad an nasabing request.
Ipinaaram ini sa mga otoridad sa Pilipinas makalihis ipaluwas.
Enot kaini, kan Lunes kan ipagsugo kan ICC Pre-Trial Chamber I an pag-reklasipika sa warrant ngani na gibuhon inin public hali sa pagiging confidential.
Marurumduman na si Dela Rosa an enot na tinukoy na saro sa co-perpetrator ni dating Presidente Rodrigo Duterte sa suboot crimes against humanity.
