Sarong pading Katoliko na nagkukundusir nin evening Mass sa southwestern Ecuador an nagadan makalihis na mahulog an sarong Krus saiya durante kan sarong livestream.
Binisto kan Archdiocese of Guayaquil an padi na si Patricio Sánchez kan Perpetuo Socorro Church.
Sa footage kan Misa kan Sabadong banggi, mahihiling an nagsuway na sarong magabat na Krus sa lanob sa ibabaw kan altar asin tinamaan si Sánchez sa payo mantang nagsasagibo siya nin Misa. Dae nahiling kan nasabing padi an pagkahulog kaini.
Naghagad nin tabang an mga deboto mantang nagpapadagos an live broadcast sa social media.
Dae pa nagkokomento an mga lokal na awtoridad mapadapit sa insidente.
Si Sánchez kabale sa Congregation of the Most Holy Redeemer, sarong Roman Catholic religious order na itinatag kan 1732 na may presensya sa 80 nacion.
