LEGAZPI CITY- Tinuyaw kan grupo nin mga paraoma an padagos na pag-aangkat nin bagas kan gobierno kan Pilipinas.
Segun ki Federation of Free Farmers Chairman Leonardo Montemayor sa intrevista kan Bombo Radyo Legazpi na ngunyan na 2026, igwa na nin nasa 1.2 million na sako nin imported rice an uminabot sa nacion.
Kontraryo suboot ini sa pahayag kan mga lehislador asin kan gobierno na tatangkilikon an lokal na bagas kan mga local farmers.
Tinawan duon kan opisyal na malinaw an polisiya sa Sagip Saka Act na kun nangangaipo nin suplay nin bagas an mga ahensya de gobierno asin mga government controlled corporations, dapat na sa lokal na mga paraoma ini nagkukuwa nin suplay asin dae dapat naglalaom sa inangkat na bagas.
Katakod kaini, nangapudan an grupo ni Department of Agriculture Secretary Francisco Tiu Laurel Jr. na otobon an promesa na suportaran an mga lokal na paraoma asin dapat na sumunod sa batas an mga ahensya de gobierno.
Mientras tanto, nangapudan man si Montemayor na matawan nin asistensya an mga paraoma sa panahon kan krisis sa petrolyo.
