Piglalaomang mahalangkaw an importasyon kan bagas kan Pilipinas ngonian na taon huli sa pagbaba kan lokal na produksyon kumpara sa demand.
Siring man, pwedesir limitahan kan price-index tariff system an pagtalubo kan mga importasyon, segun sa report kan United States Department of Agriculture (USDA).
Pigkakarkulong maabot sa 5.1 milyon metric tons an aangkaton kan nacion sa marketing year 2026-2027, mas halangkaw nin 15.9% hale sa 4.4 milyong metriko tonelada kan nakalihis na taon.
Piglalaomang kadiit na mahalangkaw sana nin 0.4% an lokal na produksyon nin paroy, na maresulta sa 12.398 milyon metric tons nin bagas.
Ini an bako supisyente nganing matugunan an pigkakarkulong 17.65 milyong metriko toneladang konsumo kan bagas sa nacion, na kawsa kan pagdakula kan populasyon.
