LEGAZPI CITY-Bigo an peoples champ Manny Pacquiao an kasaysayan makalihis an majority draw an laban niya kontra kay WBC welterweight champion Mario Barrios
Ginanap an laban sa MGM Grand Garden Arena sa Las Vegas, na an parehong venue kung sain si Pacquiao enot na nagpasiklab sa Amerika 24 taon na an nakalihis.
Duwang hurado an nagtao nin score na 114-114, mantang an saro nagtao nin 115-113 na nagin pabor kay Barrios, rason ngani mamantenir ni Barrios an saiyang titulo.
Sa hampang kan nasa 13,107 na tagasuportang Pilipino, dai nagin bastante an ipnahiling ni Pacquiao sa enot na parte kan laban.
Nagpahiling man nin gilas si Pacquiao sa enot na round asin nagkaigwa nin 62-8-3, asin 39 KOs asin nagbalik an saiyang dating porma na marikas, agresibo, asin an kombinasyon kan saiyang suntok na paborito kan mga fans.
Alagad huli sa saiyang edad asin pagal mantang naguusad an laban. Sa mga huring rounds, nabawi ni Barrios an puntos na 29-2-2, asin 18 KOs.
Segun sa patakaran kan WBC, pwedisir maglaom nin title shot an dating kampeon na nagbabalik hale sa pagreretiro, bagay na sinamantala kan kampo ni Pacquiao.
Sinabi naman kan duwang kampo na bukas sinda sa sarong rematch, na pwedisir maging huring tyansa ni Pacquiao na masungkit an kasaysayan bilang kampeon sa welterweight boxing.
