Pigkakarkulong nasa 21 katawo an nagadan mantang 61 iba pa an nairido sa pagsabog kan sarong factory nin paputok sa Hunan province sa China, na nagresulta sa dakulang kasulo.
Tulos man na idinalagan sa ospital an mga nairidong biktima.
Nag deploy man nin maabot sa 500 na mga rescuers sa pinangyarihan kan insidente asin padagos an search operations para sa mga nawawara pang biktima.
Ipig-ebakwar man an nagkapirang mga residente na harani sa lugar ngani na maibitaran an anuman na dae pinaglalaoman na insidente.
An nasabing pagibuhan nin paputok an pigo-operate kan Huasheng fireworks manufacturing and display company.
Sa presente padagos pang pig-iimbestigaran an kawsa kan nasabing pagsabog.
