LEGAZPI CITY- Nagpepreparar na an Office of Civil Defense (OCD) asin Regional Disaster Risk Reduction and Management Council (RDRRMC) para sa na raot na panahon na dadarahon kan Bagyong Jenny na pinaglalaoman na mamamatian ngunyan na aldaw.
Sa intrevista kan Bombo Radyo Legazpi kay OCD Bicol Director Claudio Yucot, kung dae magbabago an hiro kan bagyo, tatamaan kaini an provincia kan Catanduanes, Camarines Sur, Camarines Norte asin Quezon antes na magluwas sa rehiyon.
Segun kay Yucot, kaipohan na maging marigmat maging an mga provincia na dae aagihan kan bagyo huli ta pinaglalaoman na madara ini nin makusog na pag-uran na posibleng magkawsa nin mga pagbaha asin landslide.
Tinawang duon kan opisyal na kaipohan na maging maingat na an publiko ngani na dae na mautro pa an nangyari kan Bagyong Usman kan nakalihis na taon, kung sain kadakol an nagadan sa rehiyon maski na dae man direktang tinamaan kan bagyo.
Abiso man kan opisyal sa mga residentes na harani sa landslide, flasflood asin nasa pamitisan kan Bulkang Mayon na tulos na mag-ebakwar en kasong magraot na an kamugtakan kan panahon.
