Inimbitaran kan Senate Blue Ribbon Committee si dating House Speaker asin Leyte 1st District Rep. Martin Romualdez sa pagpapadagos kan pagdangog katakod kan suboot flood control scandal.
Segun ki Sen. Pia Cayetano, na chair kan komite, nakatalaan an hearing sa aga, Hunyo 4, 2026.
Kaibanan si Romualdez sa 34 na personalidad na inimbitaran kan komite.
Marurumduman na enot ng pinahimutikan kan kongresista an mga akusasyon asin nanindugan na bako siya an nasa likod kan mga proyektong pang imprastuktura asin budget insertions saa gobierno.
Inimbitaran man kan komite an 18 indibidwal na nagpabistong dating mga tauhan kan Philippine Marines, na nagtaram na naghatod suboot sinda nin mga kickbacks sa nagkapirang opisyal kan gobierno.
Inimbitaran man si dating assistant engineer Brice Hernandez, na dati nang nag-akusar sa nagkapirang mga kongresista katakod kan flood control anomaly.
