Inihayag kan Office of the Ombudsman na kokontrahon an mosyon na isinunad ni dating House of Representatives Speaker Martin Romualdez sa Sandiganbayan.
Sa mensaheng ipinadara ni Assistant Ombudsman Atty. Mico Clavano, sinabi kaini na kokontrahon kan prosekusyon an mosyon kan kongresista.
Makalihis kaya an pagkaka arestar, tulos na nagsunad an kampo ni Leyte 1st Dist. Rep. Romualdez nin Urgent Motiuon ad Cautelam for Continued Hospital Confinement.
Obheto kan mosyon na ipigsunad sa Sandiganbayan third division namapalawig an pagtetenir o ‘confinement’ sa ospital huli sa mga kamatean kan kongresista siring kan Type 2 Diabetes, hypertension, primary hypothyroidism asin iba pa.
Alagad sa ibong kaini, hahagadon kan Ombudsman Prosecutors sa korte na bako sana sarong doktor kundi grupo nin mga ‘government doctors’ an maghiling kun dapat na magtenir an akusado sa sarong pribadong ospital.
Enkaso kaya na manageable man an helang maski iluwas sa ospital, hahagadon kan Ombudsman na mailipat na an dating house speaker sa regular na ‘detention facility’.
Katakod kaini, nanindugan man si Ombudsman Jesus Crispin ‘Boying’ Remulla na matibay an kasong plunder na ipigsunad kontra ki Romualdez.
