Pinagmulta kan NBA si Ja Morant, guard kan Memphis Grizzlies, nin $75,000 makalihis maggibo nin ‘finger-gun’ gesture sa kawat laban sa Miami Heat kan Abril 3.
Bago ini, pinatanidan na siya kan liga makalihis an kaparehong gawi sa laban kontra Golden State Warriors kan Abril 1.
Kan 2023, nasuspinde si Morant nin walong kawat huli sa pagpapahiling nin badil sa social media, asin nasundan pa ini nin 25-game suspension sa pagpopoon kan 2023-24 season huli sa saro pang insidente.
Sa ibong kan mga kontrobersiya, nag-average si Morant nin 22.9 points, 7.3 assists, asin 4.2 rebounds sa 49 na kawat ngonian na season, na tuminabang sa Grizzlies na makuwa an ika-anom na puwesto sa Western Conference.
