LEGAZPI CITY-Nasa 130 na kapulisan an pigdeploy sa Albay kasunod kan padagos na aktibidad kan Bulkang Mayon na presenteng nasa alert level 3.
Segun kay Albay Police Provincial Office Provincial Director Police Colonel Noel D. Nuñez, na katuwang ninda an local government unit asin iba pang ahensya sa pagpapaotob nin pre-emptive evacuation.
Kabale sa mga munisipalidad na sakop kan 6km permanent danger zone an Tabaco, Malilipot, Camalig, Guinobatan, Ligao, Sto. Domingo siring man an Legazpi City sa parte kan Buyoan asin Mabinit.
Mahigot man nindang pigbabantayan an border control siring man an pagasigurar kan kaligtasan kan mga residente pati na an saindang mga personahes.
Dai man suboot sinda nadifisilan an saindang mga personahes sa pagpapaebakwar kan mga residente.
Pagirumdom man kan opisyal sa mga residentes na magsunod sa mga otoridad ngani mamantenir an peace and order harani sa border control kan lugar.
