Nag-positibo sa gunpowder residue ang sarong volunteer kan National Bureau of Investigation (NBI) na inaresto katakod kan nangyaring pambabadil sa laog kan Senado, segun sa Southern Police District kan Dominggo nin banggi.
Segun kay Southern Police District Public Information Office chief Police Lt. Margaret Panaga, batay sa pagsusuri, “positive sa presence kan gunpowder” ang suspek na binisto sa alyas na “Mel Oragon.”
Inarestar an suspek makalihis an insidente asin isinairarom sa inquest proceedings huli sa paglabag sa Republic Act 10591 o Comprehensive Firearms and Ammunition Regulation Act, alarm and scandal, direct assault, trespass to property, asin paglabag sa security protocols kan Senado.
Magigiromdomang nangyari an insidente kan Miyerkules nin banggi sa laog kan ikaduwang palapag kan Senado mantang umiiral ang lockdown, na nagkawsa nin takot asin kariribokan.
Basado sa paenot na imbestigasyon, sarong dae pa bisto na kalibre nin badil san ginamit suboot kan suspek sa pagpapaputok nin pirang beses sa laog kan Senate compound sa GSIS area bandang alas-7:50 nin banggi.
Huli digdi nabalot nin tensyon sa laog kan gusali mantang nangyayari ang insidente.
Mientrastanto, ipigdoon kan abogado asin agom kan suspek na siya an sarong driver sana kan saro sa mga NBI operatives asin bako regular na empleyado kan ahensya.
