LEGAZPI CITY—Nakaguno na nin bulawang medalya an nagkapirang atleta sa nagpapadagos na 2025 Palarong Panlalawigan sa Guinobatan, Albay.
Segun ki SDO Albay Spokesperson Froilan Tena, sa intrevista kan Bombo Radyo Legazpi, segun sa saindang unofficial medal tally para sa mga kalalakihan nakaguno na an Cluster D nin apat na bulawang medalya asin an Cluster A may duwang bulawan na man na medalya.
Mantang sa mga kababaihan, an Cluster C nakaguno nin limang bulawang medalya, asin an Cluster A may saro na bulawang medalya.
Pigtaram kan opisyal na bulawang medalya an saindang pigbabasehan huli ta ini an marepresentar sa Bicol Meet.
Mientrastanto, tinawan-doon man kaini na kun siisay man an manggana sa sarong event kan ano man na eskwelahan iyo an marepresentar sa higher meet.
