Kinuwestiyon ni Senador Pia Cayetano ang legalidad kan isinagibong sesyon kan Senado na inatendiran kan 12 senador kan Miyerkules, Hunyo 3, pagdoon niya na bako bastante an nasabing numero nganing magbilog nin quorum asin magsagibo nin opisyal na sesyon.
Segun ki Cayetano, malinaw suboot an probisyon kan 1987 Constitution na nagsasabi na an Senado an pigbibilog nin 24 na miyembro asin kinakaipuhan an mayorya kan kabilogang numero kaini nganing magsagibo nin opisyal sesyon.
Binanggit man kan Senador an umiiral na Senate Rules na nagsasaad na ang mga opisyal kan Senado an dapat maelihir sa paagi kan mayoryang boto kan gabos na miyembro kan kapulungan.
Tinukoy man ni Cayetano ang kasong Avelino vs. Cuenco, na ginagamit suboot kan nagkapira bilang basehan nganing ituring na sapat ang 12 senador para magbilog nin mayorya.
Bilang suporta sa saiyang argumento, binanggit pa ni Cayetano an sinurat kan namaaram na constitutionalist na si Joaquin Bernas mapadapit sa interpretasyon kan quorum sa lehislatura.
Buwelta pa ni Cayetano na dae pwedesir ituring na mayorya ang 12 senador sa sarong kapulungang may 24 na miyembro.
Naenot digdi, ikinagkigkig kan nagkapira an pag-abot ni Sen. Francis ‘Chiz’ Escudero sa Senate plenary hall kan Miyerkules, pirang aldaw makalihis dae mag-atendir an pirang miyembro kan majority bloc sa nakalihis na plenary session.
Si Escudero, na naenmot nang nagbale sa majority bloc, ang kumumpleto sa bilang kan 12 senador na nag-atendir sa sesyon, rason nganing maidagos an mga deliberasyon ng Mataas na Kapulungan.
Naelihir man si Sen. Sherwin Gatchalian bilang Senate President Pro Tempore asin idineklarang acting Senate President.
