LEGAZPI CITY—Nagtutubod an sarong political analyst na may dakulang epekto an presenteng nangyayari ngunyan sa Senado sa desisyon kan undecided voters sa maabot na 2028 elections.
Segun ki Atty. Michael Henry Yusingco, sa intrevista kan Bombo Radyo Legazpi, arog kaini an nagin obserbasyon kan 2025 elections mapadapit sa dynastic candidates sa Senado urog na kan naibuyagyag bago an eleksyon an mga ‘nepo babies’ kun sain nagkaigwa nin backlash asin dae nanggana sa dynastic politicians.
Naglalaom man liwat si Yusingco na an nangyayari sa Senado an mabusol sa undecided voters na magin mas discriminating kun siisay an saindang iboboto sa Senado.
Dugang pa niya na poon ngunyan hasta sa 2028 an dapat man giraray na ipadagos an pagtabang sa undecided voters nganing mahiling, maproseso an mga nangyayari ngani dae na giraray magboto kan siring na nahihiling sa ngunyan na mag opisyal na pansadiring interes an pig-iisip.
Mensahe man ni Yusingco sa mga botante na subaybayan an mga nangyayari nganing dae na mautro an pagboto sa mga parahabon, mga nagpapakonswelo, asin hanapon an mga politiko na mas makakatabang sa pagtatag kan institusyon.
