LEGAZPI CITY-Padagos na pigbubulong an nagkapira sa 6 na estudyante na nabagsakan kan bubong sa Peñaranda Park sa Legazpi City huli sa nakuwa kaining trauma dapit sa insidente.
Segun kay Provincial Director Police Colonel Noel Nuñez, sa intrevista kan Bombo Radyo Legazpi, na 6 na estuydante an nabagsakan asin nasa edad 15 hasta 17 anyos asin sa presente nasa ospital na nagsapo nin mga minor inury.
Sa sainda suboot na imbestigasyon an natakot asin na-trauma an mga estudyante sa pangyayari.
Nangyari suboot an pagbagsak kan nasabing bubong sa lugar, alas 5:50 nin hapon mantang nagpapadagos an paguuran na nagresulta kan pagka-ipon kaini sa tahaw na parte asin huli man sa pagkaka-design suboot na oblong shape an dai na nakayanan an gabat kaini na nagin kawsa kan pagbagsak.
Nagsisisrong suboot an mga estudyante mantang nagpa-practice asin napansin na ninda an naipon na tubig sa tahaw kaini alagad bigla sana suboot ining nag-collapse.
Sinabi man kan otoridad na nakaapod tulos sa 911 asin isinugod sa opsital kan Bureau of Fire Protection (BFP) an mga biktimang aki.
Kinuwa man suboot ninda an mga gamit kan mga estudyante asin dinara sa police station ngani na idara sa pamilya kan biktima.
Inasigurar man kan mga otoridad an nasabing lugar asin nagkuwa na nin clearance sa Department of Public Works and HIghways kun sain pig-padismantle na an trapal ngani dai na mangyari an kaparehong insidente.
Sa presente, padagos na pigbubulong an nagkapira pang mga estudyante sa ospital asin nagkapira man suboot digi an nakaluwas na.
Mensahe man kan otoridad sa publiko na pirmi magingat asin ibitaran an pagduman sa dai kabisadong lugar tuyong nagpapadagos man giraray an paguuran asin pagbabaha.
Mientrastanto, pigaaram pa kan mga otoridad an aksiyon kan lokal na gobierno manungod digdi asin mas pahihiguton man kan kapulisan an saindang pagbantay asin pagbantay para sa kaligtasan asin dai na mautro pa an siring kaining insidente.
