Nairehistro an sarong mudslide ngonian na aldaw nin Domingo, August 31, 2025 sa Barangay Moning, banwaan nin Baras sa provincia kan Catanduanes.
Susog sa impormasyong naguno kan Bombo Radyo Legazpi na bahagyang nabarahan kan mga debris na magtataong pahirap sa mga behikulong maagi.
Pig-abisuhan man kan mga otoridad an mga motorista na mabaybay sa mga naapektarang tinampo na mag-ingat asin ibitaran na muna an pag-agi sa mga apektadong tinampo kun kinakaipuhan.
Sa presente, nagsasagibo na nin clearing operation an Baras Municipal Disaster Risk Reduction and Management Office asin iba pang ahensya.
