LEGAZPI CITY—Bilang pagkomple sa ipinaluwas kan Provincial Disaster Risk Reduction and Management Council-Albay Public Safety and Emergency Management Office Advisory 2026-1, nagpaluwas an Albay Provincial Tourism, Culture and Arts Office nagpaluwas nin abiso na pigbawalan an mga namamanwaan sa paglaog sa 6 kilometer permanent danger zone huli sa presenteng aktibidad kan Bulkang Mayon.
Sa nasabing abiso, ipigbabawal an mga-tourism related siring kan tours, trekking, sightseeing, o recreational activities; magin an tourism operations o events.
Segun ki Albay Provincial Tourism, Culture and Arts Office Head Dorothy Colle, sa intrevista kan Bombo Radyo Legazpi, ini nganing matawan nin impromasyon an publiko o an mga mawot na magbisita o magrani sa bulkan.
Pighayag man kan opisyal na mapaluwas man an saindang opisina nin mga ligtas na lokasyon kun sain pwedesir na hilingon en kaso man na magkaigwa nin pagputok an bulkan asin may mawot na maghiling kaini.
Sa presente, wara pa man na nagbabayolar sa saindang mga pig-abiso asin padagos man an pagbabantay kan mga personahes kan PDRRMC magin kan Municipal Disaster Risk Reduction and Management Office sa mga lugar na sakop kan danger zones kan bulkan.
