LEGAZPI CITY—Ipigkundusir kan Albay Provincial Persons with Disability Affairs Office an sarong in-house training para sa saindang mga staff asin kan PWD Ministry of the Diocese of Legazpi an mapadapit sa Filipino Sign Language training program.
Segun ki Albay Provincial Persons with Disability Affairs Office Head Annecita A. Abion, sa intrevista kan Bombo Radyo Legazpi, nagpuon ini kan bulan kan Marso asin madurar hasta sa kabangaan kan bulan nin Mayo 2026.
Obheto kan 18-hour course na ini an makapagprodusir nin dakol na staff na tatao mag-sign language.
Kabale man sa training an interns gikan sa Bicol University asin nagpupuon an training puon alas-4 nin hapon hasta alas-6 nin banggi.
Sinabi ni Abion na dae ninda kayang maimbitaran an gabos huli sa limitadong sources, limitadong espasyo, wara sindang ginastos asin libre para sa saindang mga staff.
Dugang kan opisyal na willing man ninda ining itangro sa iba pang opisina kan Albay alagad mawot ninda an commitment asin desididong makaukod nin sign language.
