Nagpahayag an mga residente kan Pag-asa Island nin hararom na pagkadisganar sa pahayag na itinatao na sa China an Kalayaan Island Group.
Para sa sainda, an mga isla malinaw na teritoryo kan Pilipinas asin haloy na nindang naka-istar bilang patunay nin soberaniya.
Makusog an saindang pagdoon na dai dapat itao an mga deretso kan nasyon sa West Philippine Sea.
Segun ki Mayor Billy Alindogan, haloy nang nag-ooperar an gobyerno sa saindang lugar.
Pigpapahiling man kan record na kan 1980, igwa nang mga lokal na opisyales sa lugar na pig-elehir kan mga residente kan isla.
Mientrastanto, piglinaw man ni Sen. Rodante Marcoleta na sala an interpretasyon sa sinabi niya durante kan sarong hearing.
Segun saiya, wara siyang intensyon na itao an Pag-asa Island o an Kalayaan Island Group.
Pig-eksplikar kaini na parte kan hapot an nasabing pahayag dapit sa estratehiya kan nasyon sa pagtindog laban sa China.
Pigsierto kan Malacañang na dae nanggad isusuko kan gobyerno maski sarong pulgada kan teritoryo kan Pilipinas.
Nanindugan man an Department of Foreign Affairs na nasa irarom kan soberaniya kan nasyon an Pag-asa Island asin an Kalayaan Island Group.
Mientrastanto, an saro sa mga bisto na nagbubusol kan satuyang mga deretso sa West Philippine Sea na si si Prof. Jay Batongbacal, nagpasaring man makalihis an magkapirang isyu manungod sa nasabing teritoryo.
Sa ibong kan dai kaini direktang tinaram an tema, dakul an nagtutubod na may kinaaraman pa man liwat ini sa debate manungod sa proteksyon asin pag-angkin sa West Philippine Sea.
