Bahagyang naglangkaw sa 20% an numero kan mga pamilyang Pilipino na nakakaeksperyensya nin involuntary hunger o pagkagutom nin warang makaon, susog sa pinakabagong luwas na survey.
Nairehistro an numero na ini sa isinagibong survey puon Abril 23 sagkod Abril 28, 2025 para sa enot na quarter kan taong 2025 kan Social Weather Stations (SWS).
Mas halangkaw ini kumpara sa 19.1% na nairehistro kan Abril 11 sagkod Abril 15, 2025, na sinundan nin 8.1 puntos na pagbaba gikan sa 27.2% kan Marso 2025.
Sinabi man kan SWS na an 20% na hunger rate an kompwesto nin 16.4% na nakakaeksperyensya nin “katamtamang gutom” asin 3.6% na nakakaeksperyensya nin “matinding gutom”.
Pinakahalangkaw man an hunger rate sa Mindanao, kun saen 26.3% kan mga pamilya an nairehistrong nakakaeksperyensya kaini, sinundan kan Metro Manila (20.3%), Visayas (19.7%), asin Balance Luzon (17%).
