LEGAZPI CITY-Nangangapudan an mga Overseas Filipino Workers sa Israel nin pangadyi hale sa mga kababayan sa Pilipinas para sa saindang kaligtasan asin para sa pagtatapos kan gera.
Segun ki Bombo International Correspondent in Israel Shay Kabayan, sa intrevista kan Bombo Radyo Legazpi na mawot nindang ipadagos an pagpapangadyi an paglaom para sa mga kababayan huli ta inosente sindang nadadamay sa padagos na kariribukan sa Middle East.
Dagdag pa ni Kabayan na bako face-to-face an gera kundi sarong laban kan nacion kun kaya high-tech an pigagamit na pagpapadara kan mga drones asin ballestic missiles.
Wara man suboot sindang problema sa pagkakan alagad sa ngonian wara sindang maginibo kundi an maghalat na matapos na an gera.
Sinabi pa niya na kadakol na mga OFW an mawot na maghale na sa Israel alagad nagtutubod man siya na kadakol man an mawot magtenir sa lugar.
Sa presente, dai muna sinda makahale sa Israel huli ta kanselado an mga flights.
Mahigot man na pinagbabawal an pagtiripon huli ta sarado an mga eskwelahan, mga tindahan, asin mga simbahan.
Pangapudan ninda ngonian na matapos na an gera ngani magin ligtas na an kada saro asin makisumaro sa pagpapangadyi para sa mga kapamilya ninda sa Middle East.
