LEGAZPI CITY-Nagpatanid an Department of Energy (DOE) na mahahampang sa magabat na penalidad asin posibleng mapreso an mga kumpanya nin langis na mabalgar sa itinalagang limitasyon sa pag-adjust kan presyo kan produktong petrolyo.
Segun ki Energy Secretary Sharon Garin, preparado an saindang ahensya na mag-isyu nin “show-cause orders” kontra sa mga oil companies na dae masunod sa itinalagang adjustments kan gobierno.
Mantang an lambang kumpanya presenteng nagsusunod sa mga itinalaan na mga adjustments, nagpatanid an kalihims sa mga posibleng maatubang nin mga penalidad na makakaapektar sa saindang permit o operasyon.
Sa ibong na pahayag, sinabi man ni DOE Oil Industry Management Bureau director Rino Abad, maatubang nin tulong bulan sagkod sarong taon na pagkapreso an mga oil companies na mabalgar sa nasambitang limitasyon asin mamulta nin maabot sa P50,000 hasta P300,000.
Isinagibo an pahayag makalihis na na tawan nin kapangyarihan an gobierno na magdikta o limitahan an price adjustments sa tahaw kan pabago-bagong presyo kan petrolyo sa global market huli sa tensyon sa Middle East.
