LEGAZPI CITY- Ipiglatag kan nagkapirang environmental group an 11-Point Environmental Agenda urog na ngunyan na panahon kan kampanya.
Segun ki BAN Toxics campaigner Thony Dizon sa intrevista kan Bombo Radyo Legazpi na obheto kan programang ‘Luntian De Avance’ na mas maitampok an isyu kan kalikasan ngunyan na paparani an eleksyon.
Paliwanag kan opisyal na dakol na mga kandidato an nagka-klamar na pro-environment sinda alagad mas enot pang nagbabayolar sa pangangataman kan kapalibutan.
Partikular na tinukoy kan grupo an mga campaign materials na nakakabit sa mga kahoy.
An mga toxic chemicals suboot na pigagamit para sa mga campaign paraphernalia an saro sa mga nakaka apektar sa kapalibutan.
Aminado man si Dizon na igwang nagkapirang mga environmental issues na pigtatawan aksyon kan gobierno asin mga lehislador alagad bako pa ini bastante kaya padagos an pangapudan para sa green agendas kan mga nasa posisyon.
