Pitong katawo an nagadan mantang tulo an nairido makalihis an labing pagbaha asin pagrasay nin daga huli kan padagos na pag-uran sa sa Sri Lanka, segun sa Disaster Management Centre kan nacion.
Huli sa maraot na panahon, isinarado kan gobierno an mga eskwelahan sa mga bulubunduking lugar na bisto sa produksyon nin tsaa. Duwa pa an nai-report na nawawara mantang nagpapadagos ang search and rescue operations.
Segun sa mga otoridad, nag-abot na sa 129 na harong an nadestroso asin haros 2,000 residente an inebakwar sa mas salbado na lugar.
Pinakamalubha an epekto kan pag-uran sa tahaw na parte kan Sri Lanka, kun sainda kadakol na tinampo an nabara huli sa pagrasay nin daga, darakulang gapo, asin natumbang mga poste nin kuryente.
Nangyari an panibagong kalamidad mantang padagos na nagbubuhat an Sri Lanka hale sa danyos na kawsa kan Cyclone Ditwa kan Nobyembre, na ikinagadan nin haros 640 katawo asin nakaapektar sa labi sa duwang milyong residente.
