LEGAZPI CITY—Pig-aagrangay kan mga residentes kan Binanuahan West, Legazpi City an mga delikadong poste nin kuryente sa lugar na pwedesir na makaaksidente sa iba.
Segun ki Brgy. Binanuahan West Kagawad Romer Detera, sa intrevista ka Bombo Radyo Legazpi, na haloy na nindang pigrereklamo ini sa mga ahensya alagad hanggang sa ngunyan wara pang nareresibing aksyon.
Dugang kan opisyal na dati nang nagkaigwa nin kasulo sa lugar kun kaya nangapodan ini na dapat matangkas na an mga nasambitang delikadong poste huli ta an nagkapira digdi an nakadukot na sa harong asin posibleng magkawsa nin panibagong kasulo sa barangay.
Mientrastanto, nagmamawot man si Detera na maaksyunan na an saindang pig-aagrangay na mga delikadong poste para man sa kaligtasan kan residentes asin maibitaran man an kasulo siring man para dae na sindang kahaditan pa.
