LEGAZPI CITY – Nakalatag na an gabos na paghahanda para sa pagsabak kan mga atleta kan Bicol sa Palarong Pambansa 2024.
Sa intrevista kan Bombo Radyo Legazpi ki Francisco Dexter Sison, Sports Division Coordinator kan School Division Office Legazpi, nagkaigwa na nin pag-oolay an mga representante kan School Division Offices sa Baguio sa obhetong magin matrayumpo an torneo.
Katakod kaini, magkakaigwa man nin orientation asin division training sa mga masunod na aldaw.
Mantang isasagibo man an Regional Base Training sa Hunyo 23 hasta 28 bilang paghahanda kan mga atleta na manggana sa nasabing torneo.
Segun ki Sison, dae man pighahagad na makaua an Rank 1 alagad target na makua an Rank 5 kaya puspusan an gigibuhon na training.
Nakatalaan na magbiyahe an mga delegado kan rehiyon pasiring sa Cebu sa Hulyo 3 asin mabalik sa Hulyo 18.
